Մենք մի ներկայացում ենք մտածել և շատ ենք ուզում ձեզ հետ միասին բեմադրել այն։ Սա ներկայացում է, որը բխում է իրականությունից և իր մեջ ամփոփում է իրականության գեղեցկությունը, սարսափը, փխրունությունը։ 

Ահա ներկայացման մասին այն ամենը, ինչը հնարավոր է փոխանցել տեքստի միջոցով։ Դուք գալու եք կեռասենու այգի, որտեղ յուրաքանչյուր հանդիսատես կունենա իր առանձին ծառը։ Դնելու եք ականջակալներ, սկսվելու է ներկայացումը, և ներկայացման ամբողջ ընթացքում դուք պառկելու եք ծառի տակ, պարելու, ապրումակցելու, կատարվողի հանդեպ ձեր վերաբերմունքն անընդհատ փոփոխելու, մեդիտացիայով զբաղվելու, վիճելու։ Փորձելու եք նույնականացնել ինքներդ ձեզ և ձեզ շրջապատող իրականությունը, անուններ եք մտածելու և այդ անուններից հրաժարվելու, քանի որ անունները կորցնում են իրենց նշանակությունը։ Իսկ հետո մենք հավաքվելու ենք և փորձելու ենք քննարկել տեղի ունեցածը, ինչը նույնպես շատ յուրահատուկ մթնոլորտում է անցնելու։ 

Քննարկելով, թե ինչ է իրենից ներկայացնում ստեղծագործությունը, և ինչին և ինչպես պետք է պատրաստվել, մենք հանգում ենք կոմպոզիտոր Ջոն Քեյջի խոսքերին․ «Արվեստի գործի հետ շփման ժամանակ ամենից լավ և օգտակար է լինել ուշադիր և դատարկ»։ 

Ներկայացման Լեզուն' ռուսերեն